Навіны

Пачасціліся выпадкі атрымання траўмаў насельніцтвам пры спальванні смецця. За апошні тыдзень у Беларусі адбыўся шэраг узгаранняў, звязаных са спальваннем смецця. У сувязі з усталяваннем сухога і гарачага надвор'я на тэрыторыі Гомельскай вобласці адзначаецца рост пажараў у лясах, у сельскагаспадарчых угоддзях і на тарфяніках. Статыстыка паказвае, што абсалютная большасць выпадкаў пажараў у прыродных экасістэмах адбываецца па віне людзей і толькі 5-10% – з-за метэаралагічных умоў. Яшчэ часцей прычынай пажараў становяцца хуліганскія дзеянні або простая неасцярожнасць: пакінутае без нагляду вогнішча, кінуты недакурак. На жаль, нярэдкія выпадкі траўміравання і гібелі людзей падчас спальвання смецця.

Раніца юных пажарных пачалася з зарадкі пад вясёлую песню «Мы пажарная каманда». Затым дзеткі падзяліліся на 2 каманды: "Іскрынка" і "Агеньчык". Далей нашых юных пажарных чакалі эстафеты, такія як «Хто хутчэй выкліча пажарную каманду?», «Тушэнне вёдрамі», «Выратуй сваіх сяброў».У выніку каманды набралі аднолькавую колькасць балаў і перамогу атрымала сяброўства. Свята дзецям вельмі спадабалася, прымалі актыўны ўдзел у спаборніцтвах, гэтак жа прадэманстравалі свае веды ў галіне правільнага і няправільнага абыходжання з агнём, адказаўшы на шэраг пытанняў па гэтай тэме.

Сайт перапісу насельніцтва пачне працаваць 4 кастрычніка
Сайт перапісу насельніцтва-2019 www.перепись.бел или www.census.by запрацуе 4 кастрычніка. Пра гэта, як перадае карэспандэнт агенцтва "Мінск-Навіны", паведаміла журналістам 22 жніўня старшыня Нацыянальнага статыстычнага камітэта Рэспублікі Беларусь Іна Мядзведзева.
- З яго дапамогай не спяшаючыся, дома за кампутарам вы зможаце запоўніць апытальнік без дапамогі перапісчыка, - адзначыла І.Мядзведзева.
Нагадаем, Белстат прапануе тры спосабы ўдзелу ў перапісу насельніцтва: анлайн, на стацыянарным участку альбо чакаючы прыходу перапісчыка дадому. Па словах І. Мядзведзевай, прома-сайт
www.перепись.бел или www.census.by з інфармацыяй па мінулых перапісах насельніцтва і адлікам часу да наступнай будзе запушчаны 23 жніўня. Для перапісу онлайн яго магчымасці можна выкарыстоўваць пачынаючы з 4 кастрычніка.
Прыняць удзел у Інтэрнэт-перапісу можна з 4 па 18 кастрычніка. З 19 па 20 кастрычніка Белстат удакладніць адрасы, па якіх яшчэ не перапісаліся, а з 21 па 30 кастрычніка да працы пачнуць перапісчыкі. Яны наведаюць толькі тых, хто не перапісаўся праз Інтэрнэт або на стацыянарным участку. Дарэчы, яны будуць адкрыты па 30 кастрычніка.

9 верасня прайшла віктарына па правілах бяспекі. Пытанні былі рознай складанасці і ў розных катэгорыях. У гульнявой форме паглыблялі веды дзяцей па асновах бяспекі жыццядзейнасці, аб правілах пажарнай бяспекі і аб правілах паводзін у час пажару; замацоўвалі ў дзіцяці ўпэўненасць у сабе, у тым, што ён можа паспяхова справіцца з любой дарожнай сітуацыяй.

Сёння ў нашым дзіцячым садзе прайшоў конкурс малюнкаў на тэму "Агонь - сябар, агонь - вораг". Удзельнічалі дзеці са старэйшай групы, а наведалі выставу дзеткі з малодшай групы. Мэтай конкурсу было сфарміраваць у дзяцей веды аб правілах пажарнай бяспекі ў доме, лесе, выхоўваць павагу да прафесіі пажарнага.

Сёння, ў апошні летні дзень, у нас адбыўся шашачны турнір "Умнейка". Падтрымаць і прыняць удзел прыйшлі бабулі нашых выхаванцаў. Турнір атрымаўся на славу. Дзеткі засталіся радасныя, колькі ўражанняў яны сёння атрымалі.

Выхаванцы дзіцячага сада пабывалі у царкве на свята Успенне Прасвятой Багародзіцы.

На гэтым тыдні да нашых дзетак завітала ў госці Казачніца, якая інсцэніравала казку "Церамок". Удзельнічалі не толькі дзеці, але і дарослыя.
Дзякуй вялікае, Казачніца, прыходзь да нас яшчэ!

Гомельскі раённы аддзел па надзвычайных сітуацыях паведамляе, што ў сувязі з ўсталяванымі засушлівымі ўмовамі надвор'я, у мэтах недапушчэння ўскладнення становішча ў Гомельскім раёне усталяваны асаблівы супрацьпажарны рэжым, уведзена забарона на наведванне насельніцтвам і ўезд транспарту ў лясы, тарфяныя масівы і пойменныя зямлі.

Кожны з нас добра ведае словы з дзіцячай песенкі "Ад усмешкі стане ўсім святлей". Але часам мы забываем пра тое, як важна дарыць адзін аднаму добры настрой, ды і проста часцей усміхацца. Бо ўсмешка часам творыць цуды.
Хлопчыкі і дзяўчынкі дзяліліся сёння адзін з адным ўсмешкамі, цудоўным настроем.
Давайце будзем часцей дарыць адзін аднаму ўсмешку. Абменьваючыся такімі жывымі падарункамі, мы дорым адзін аднаму здароўе і радасць!

З 1 верасня на ўсёй тэрыторыі Беларусі стартуе акцыя «Адзіны дзень бяспекі» акцыя працягнецца 10 дзён. У межах якой ва ўсіх рэгіёнах краіны, у тым ліку і ў Петрыкаўскім раёне, адбудуцца мэтанакіраваныя прафілактычныя мерапрыемствы па папярэджанні надзвычайных сітуацый, правапарушэнняў і злачынстваў, а таксама навучанне паводзінам ва ўмовах пажараў, аварый, аказанні першай медыцынскай дапамогі.

Кіраўнік дзяржавы Аляксандр Лукашэнка 5 жніўня падпісаў указы № 293 і №294 аб назначэнні выбараў у Савет Рэспублікі і Палату прадстаўнікоў Нацыянальнага сходу Рэспублікі Беларусь 7-га склікання. Яны пройдуць адпаведна 7 і 17 лістапада 2019 года

Сёння мы наведалі мясцовы зернясклад. Дапытлівыя дзеці, назіраючы за працай дарослых, задавалі шмат пытанняў. Нашы выхаванцы даведаліся пра тое, як сартуецца і захоўваецца зерне, куды паступае пасля сховішча. Змаглі паназіраць за працай пагрузчыка, патрымаць залацістае цвёрдае збожжа пшаніцы і ячменю. Пабываўшы на зерняскладзе, дзеці зразумелі, колькі патрэбна працы, перш чым хлеб патрапіць да нас на стол. Пасля цікавай і пазнавальнай экскурсіі выхаванцы вярталіся ў дзіцячы сад з масай прыемных уражанняў.

З мэтай прыцягнення ўвагі грамадскасці да праблемы траўматызму і гібелі дзяцей ад пажараў з прычыны пакідання іх без нагляду з 19 жніўня па 10 верасня ў рэспубліцы будзе праходзіць прафілактычная акцыя «У цэнтры ўвагі - дзеці!».

Каб не было як у дзіцячым вершыку пра «шукаюць пажарныя, шукае міліцыя », перад тым, як адправіцца ў лес, вывучыце карту мясцовасці. Скажыце блізкім, у колькі плануеце вярнуцца і абавязкова вазьміце з
сабой зараджаны мабільны тэлефон.

Тыдзень пачаўся вельмі сонечны, задорны, так і кліча пайсці на прагулку. Што мы і зрабілі - адправіліся па экскурсію ў парк. І ведаеце што, мы вельмі добра разам правялі час: і гульні ў нас былі, і нават спаборніцтвы. А як прыгожа і раздольна на прыродзе, гэта трэба бачыць! Лета - цудоўная пара!

6 ліпеня ў дзіцячым садзе прайшло мерапрыемства па правілах дарожнага руху «У гасцях у святлафора».Дзеці ў гульнявой форме замацавалі веды аб правілах дарожнага руху, дарожных знаках. Мерапрыемства прайшло на вуліцы, дзе была пабудавана імправізаваная дарога са знакамі, са святлафорам, з зебрай. У гульнях дзеці пабывалі і пешаходамі, і пасажырамі, і шафёрамі.

Калектыў нашай дашкольнай установы пастаянна імкнецца добраўпарадкаваць, мадэрнізаваць, па магчымасці, тэрыторыю свайго любімага дзіцячага саду.
Добраўпарадкаванне і азеляненне ўчасткаў дзіцячага садка спрыяе ўмацаванню здароўя дзяцей, развіццю самастойнасці, пазнавальнай актыўнасці. Ад таго, наколькі дагледжанай, прыгожай і разумна спланаванай яна будзе, залежыць тое, якіх дарослых мы выхавалі. Усе мы імкнемся акружыць сябе прыгажосцю і гармоніяй, добраўпарадкаваць сваю тэрыторыю так, каб стварыць атмасферу камфорту.

1 жніўня дзіцячы сад расчыніў свае дзверы для дзяцей і бацькоў пасля касметычнага рамонту. Мы вельмі рады Ўсіх бачыць!
Дзякуй Вам УСІМ вялікі за Вашу дапамогу ў рамонце! Разам мы зрабілі дзіцячы сад для нашых дзяцей яшчэ лепш!

Супрацоўнікі пажарнай службы Беларусі – прадстаўнікі адной з самых небяспечных прафесій. Іх дзейнасць спалучаная з шматлікімі рызыкамі для жыцця, бо яны ратуюць людзей і іх маёмасць з агню пажарышчаў. Гэта высакародная місія, якую дадзеныя работнікі выконваюць практычна кожны дзень. Ім прысвечана прафесійнае свята. Дзень пажарнай службы Беларусі адзначаецца 25 ліпеня на падставе Указа Прэзідэнта краіны ад 11 верасня 1998 г. У 2019 годзе яго спраўляюць на дзяржаўным узроўні 21-ы раз.